Облыстық балалар ауруханасының мамандарынан құралған  мобильді дәрігерлік бригаданың  ауыл балаларына консультативтік көмек беру шаралары жалғасуда. Үстіміздегі айда мамандар Темір және Қобда аудандарына кезекті іс-сапарға жолданып, 243 балаға медициналық көмек көрсетті. Мобильді дәрігерлер бригадасы  облыстың жетекші мамандарынан құралды: облыстың  штаттан тыс бас балалар кардиологы А. А. Ботбаева (мобильді бригаданың жетекшісі),  неврологтар Аймағамбетова Ж.Ж., Жанұзақова М.М., оториноларинголог Искендиров А.Д., травматолог – ортопед Бектұрсын Қ.А., хирург Гутарев А.А., гематолог Есмамбетова А.А.

Сапар барысында  неврологтармен 85 бала, кардиологпен 73 бала, хирургпен  14 бала, травматолог – ортопедпен 16 бала,  гематологпен 23 бала, оториноларингологпен – 32  бала қаралды. Қаралған балалар ішінде 28 баланың денсаулығында  бірінші рет патологиялық өзгерістер анықталды: сколиоз, крипторхизм, «теміртапшылық анемия», тонзиллит, жүрек ақауы т.б.

Анықталған пациенттер біздің аурухананың тәулік бойғы стационары мен консультативтік — диагностикалық бөлімшесінің базасында тереңдетілген тексеруден өтуге және емделуге жолдама алды. Екі бала  хирургиялық отаға жолданды.

Көпсалалы облыстық балалар ауруханасының мамандарының аудан орталықтарына консультативтік көмек көрсету  мақсаты — ауылдық жердегі әрбір баланың облыстық деңгейдегі тәжірибелі мамандардың мамандандырылған медициналық көмегін дер кезінде алуын қамтамасыз ету.