Бүгін көпсалалы облыстық балалар ауруханасына өңіріміздің беделді сарапшыларынан құралған тобы жұмыс сапарымен келді. А. М. Нұркеева — Ақтөбе облысының бала құқықтары жөніндегі уәкілі, балалар омбудсмені,  А. С. Ахметова — Ақтөбе қалалық білім бөлімінің балалардың құқықтарын қорғау секторының меңгерушісі, А. М. Нұрманова — Ақтөбе облысы Балалардың құқықтарын қорғау басқармасының бас маманы, Л. Ж. Темірашева — Ақтөбе облысы Денсаулық сақтау басқармасының бас педиатры.

Сапар аясында ауруханамыздың медицина қызметкерлерімен маңызды кездесу өтті. Диалогтың басты тақырыбы — емдеу мекемесі қабырғасында әрбір баланың қолжетімді әрі дер кезінде медициналық көмек алуға деген құқықтарының қатаң сақталуы болды. Кездесуге қатысушылар келесі мәселелерді талқылады: кішкентай пациенттер үшін қауіпсіз және жайлы орта қалыптастыру, медициналық көмек көрсету сапасын арттыру, емдеу үдерісінде дәрігерлер мен ата-аналардың тиімді өзара іс-қимылы, балалардың стационарда болған кезіндегі психологиялық жайлылығы.

Мұндай кездесулер жұмыс процестерін жетілдіруге, балаларға күтім жасау стандарттарын нығайтуға және өсіп келе жатқан ұрпақтың денсаулығы мен игілігі үшін бірлескен күш-жігерімізді үйлестіруге көмектесетіні сөзсіз.