Бүгін  халықаралық  «Балаларды қорғау күні»  қарсаңында, көпсалалы облыстық балалар ауруханасының тәжірибелі  мамандары «жылжымалы медициналық кешенмен» Хромтау және Алға аудандарына жолданып, балаларға медициналық көмек көрсетті. Мамандар құрамында: Алға ауданына — оториноларингология бөлімшесінің меңгерушісі, хирург – оториноларинголог С.А.Каусова, шұғыл хирургия бөлімшесінің абдоминальді хирургі, хирург – гинеколог  Е.В.Роскидайло;  Хромтау  ауданына  — жақ – бет хирургиясы бөлімшесінің меңгерушісі, жақ – бет хирургі  Ш.А.Тлеужанова, невролог А.Қ. Қыдырғали.

Мамандармен  жүзден астам балаларға кеңес – беру консультативтік қараулары жүргізіліп, 16 балаға хирургиялық ота жоспарланды. Оның ішінде 3  балаға мұрын, құлақ ақауларымен оториноларингологиялық ота, 9 балаға жақ сүйектері ақауларымен   жақ – бет оталары, 4 балаға  «аталық бездің су жиналуы» ақауымен  урологиялық оталар  (гидроцеле) тағайындалды. Сонымен қатар,  12  бала көпсалалы облыстық балалар ауруханасының  неврология және оңалту бөлімшелеріне жолданды.